Protesta studentore sot shënon ditën e 14-të. Disa nga studentët që po vazhdojnë të protestojnë tek godina e kryeministrisë u shprehën se do vazhdojnë protestën e tyre edhe pse Rama po bën takime me studentët nëpër universitete.
Studentët thonë se edhe pse janë pakësuar, e rëndësishme është bojkotimi i mësimit dhe gjithashtu tregojnë se një pjesë e mire e studentëve janë larguar, pjesa tjetër marrin pjesë pak në mëngjes dhe shpërndahen.
Sakaq ata thonë se pjesëmarrja e studentëve sot në takim me kryeministrin ishte vetëm sepse ata nuk ishin lajmëruar se do ishte Rama në takim sepse nuk do kishin shkuar.
Sipas tyre dialog nuk ka, sepse studentët po e thonë fjalën aty dhe ska nevojë për takime.
“Sot jemi më të pakët në numër por auditorët janë njësoj siç kanë qenë, është e rëndësishme që studentët të bojkotojnë mësimin.Bojkoti i mësimit i bën bashkë të gjithë studentët, kjo është me rëndësi.Sot pamë dhe te UBT që studentët thanë janë mashtruar, se nuk ishin lajmëruar që kryeministri do të vinte. Dialog nuk ka dhe studentët po e thonë fjalën e tyre këtu,” thanë ata.
(Balkanweb)