Një ngjarje e rëndë ka ndodhur paraditen e sotme në Gjirokastër, ku shtetsja, Elvira S, e cila vuante nga probleme të shëndetit mendor, në spitalin “Omer Nishani” ka qëlluar me thikë dy infermiere.
Dy infermieret po e merrnin për të dërguar në ambulancë, kur ajo i ka qëlluar me thikë në duar duke i lënduar lehtë. Me shpejtësi ka ndërhyrë stafi i spitalit, ndërsa e sëmura u transportua në spitalin Psikiatrik të Vlorës. Dy infermieret janë jashtë rrezikut për jetën raporton Report Tv.
Ngjarja ka ndodhur pasi e sëmura ka bërë rezistencë duke kundërshtuar dërgimin në spitalin Psikiatrik të Vlorës për mjekim.
