Gazetari dhe komentatori i njohur sportive, Kosta Grillo u ndaj nga jeta ditën e sotme në moshën 59-vjeçare, pasi humbi betejën me koronavirusin. Ndërkohë, kanë ardhur edhe reagimet e mesazhet ngushëlluese pas këtij lajmi të trishtë.
Kryeministri Edi Rama shkruan në një postim në Facebook se Brillo ishte një sportdashës i paepur e njeri plot energji pozitive, ndërsa thotë se ishte një shok qysh prej fëmijërisë.
LAMTUMIRË KOSTA! Shok qysh prej fëmijërisë, pastaj zë i dashur i sfidave futbollistike për vite e vite, sportdashës i paepur e njeri plot energji pozitive… humbi jetën në sfidën me virusin e mallkuar💔”, shkruan Rama
Po ashtu ka reguar edhe kreu i PD, Lulzim Basha, i cili u ka shprehur ngushëllime familjes, miqve e kolegëve të Grillos.
“Fatkeqësisht komentatori i njohur sportiv, Kosta Grillo, e humbi betejën me COVID-19. Një lajm i trishtë për sportdashësit që falë zërit dhe profesionalizmit të tij kanë njohur emocionet e fushës së gjelbër. Ngushëllime të sinqerta familjes, miqve dhe kolegëve! U prehtë në paqe!”, shkruan Basha në një postim në Twitter.
Fatkeqësisht komentatori i njohur sportiv, Kosta Grillo, e humbi betejën me COVID-19. Një lajm i trishtë për sportdashësit që falë zërit dhe profesionalizmit të tij kanë njohur emocionet e fushës së gjelbër. Ngushëllime të sinqerta familjes, miqve dhe kolegëve!
U prehtë në paqe! pic.twitter.com/52PPXBffkD— Lulzim Basha (@lulzimbasha_al) October 5, 2021
Nuk ka munguar as reagimi i kreut të Federatës Shqiptare të Futbollit, Armand Duka. Duka shkruan se Kosta Grillo ishte një personazh mjaft i dashur për sportdashësit shqiptarë, të cilët për vite kanë përjetuar emocionin e ndeshjeve me komentin e tij.
“I dhimbshëm lajmi për ndarjen nga jeta të gazetarit e komentatorit të mirënjohur sportiv, Kosta Grillo, cili nuk ia doli dot të fitojë betejën me Covid-19.
Një personazh mjaft i dashur për sportdashësit shqiptarë, të cilët për vite me radhë kanë përjetuar emocionet e ndeshjeve nga ekrani i televizorit me komentin e Kostës.
Dua t’i shpreh ngushëllimet më të sinqerta familjes Grillo, të afërmve dhe miqve të tij. I paharruar qoftë kujtimi i tij. U prehtë në paqe!” – shrkuan Duka.
