Agjentët e BKH-së kanë ndërmarrë një aksion në orët e para të mëngjesit të sotëm, duke u paraqitur në shtëpinë e kryebashkiakut Erion Veliaj me një mandat kontrolli.
Kryebashkiaku dhe familjarët e tij nuk kanë pranuar t’u hapin dyert agjentëve të BKH-së.
Pas më shumë se një ore pritje, oficerët e BKH-së kanë arritur të hyjnë në banesën e tij dhe aktualisht po kryejnë kontrollin e nevojshëm.
Veliaj është nën hetim për disa çështje të ndjeshme, përfshirë atë të inceneratorëve të Tiranës dhe dosjen 5D.
Po ashtu, SPAK ka nisur një hetim pasuror lidhur me Veliajn dhe familjarët e tij.
Në maj 2023, Veliaj u paraqit në SPAK për të dhënë sqarime mbi çështjen e inceneratorëve, duke theksuar se dosja ishte në hetim dhe se drejtësia do të fliste. Më pas, në gusht 2023 dhe maj 2024, SPAK ka kërkuar informacion nga bankat për llogaritë dhe transaksionet financiare të Veliajt dhe familjarëve të tij.
