Pas pretencës që dha sot SPAK për të përfshirët në skemën e abuzimit për inceneratorin e Fierit, vjen reagimi nga avokati i Alqi Bllakos.
Avokati Sokol Hazizaj tha se akuza për korrupsion nuk është e bazuar te faktit, ndaj sipas tij duhet të rrëzohet.
“Ne gjithmonë e kemi deklaruar dhe para gjykatës se akuzat kanë qenë të padrejta dhe të pareferuara për aktet penale, por kanë qenë dyshime. Ne i qëndrojmë të njëjtës gjë, si në seancën paraprake. Gjykata duhet të mbajë qëndrim të thjeshtë. Për sa kohë prokuroria i qëndron të njëjtës akuzë, duhet të pushojë çështjen. Pra është vetëm akuza e shpërdorimit të detyrës. Ky është një qëndrim joligjor, jo në përputhje me kodin, por është jokushtetues. SPAK, vepron jo në përputhje me kodin e procedurës penale, por dëmton interesat e qytetarëve.”, tha ai.
Kujtojmë se SPAK ka dhënë pretencën sa i takon inceneratorit të Fierit. Për ish ministrin e Mjedisit Lefter Koka SPAK kërkuar 10 vite burg, në total 20 vite për aferën e inceneratorëve.
Për ish deputetin e PS Alqi Bllako, SPAK ka kërkuar 7 vite burg. Në rast se ata shpallen fajtorë, ulet 1/3 e dënimit të tyre.
Sakaq SPAK ka kërkuar 12 vite burg për Klodian Zoton, 8 vjet Loran Dushani, 7 vite për Juri Ymeri dhe Arber Deniz.
4 vite për Arben Dervishajn, Sabina Cenameri, Regan Merdani, Gentian Zifla, 3 për Arjola Kodra, Florjan Muçaj, Azem Shatri.
SPAK thotë se për inceneratorin e Fierit u paguan 4 milionë euro për punë që nuk u kryen asnjëherë, ndërsa dëmi i shkaktuar në buxhetin e shtetit është vlerësuar në 60 milionë lekë.
