Kreu i i Partisë së Lirisë, Meta është bërë objekt hetimi nga SPAK, pas kërkesës për padi që depozitoi ish-deputeti Halit Valteri më 7 qershor
SPAK kërkon nga KQZ formularin e dekriminalizimit për Ilir Metën, në funksion të hetimit për të. Ndërkohë që ambasadorja amerikane Yuri Kim ka reaguar pas SPAK ka nisur hetimet për kreun e Partisë së Lirisë Ilir Meta.
Kim ka reaguar pasi ish-presidenti Ilir Meta sulmoi kreun e SPAK, Arben Kraja.
Sipas saj kërcënimet dhe nxitjet për prokurorët dhe gjyqtarët – dhe përpjekjet e tjera për të prishur reformën në drejtësi – nuk duhet të pranohen më si “normale”.
Reagimi i Yuri Kim:
Kërcënimet dhe nxitjet për prokurorët dhe gjyqtarët – dhe përpjekjet e tjera për të prishur reformën në drejtësi – nuk duhet të pranohen më si “normale”. Kjo sjellje nuk i përket një vendi që është në NATO, ka hapur negociatat për anëtarësim dhe është ulur në Këshillin e Sigurimit të OKB-së. Për një kohë të gjatë, të pasurit dhe/ose të fuqishmit kanë besuar se janë të paprekshëm. Tani ata janë të shqetësuar, mosndëshkueshmërisë së tyre mund t’i vijë fundi. Ndërsa reforma në drejtësi zbatohet dhe jep gjithnjë e më shumë rezultate, do të bëhet më e qartë dhe më e qartë se askush – ASKUSH – nuk është mbi ligjin
