SPAK ka zhvilluar kontrolle të papritura në Elbasan, si pjesë e hetimeve mbi shkeljet gjatë zgjedhjeve të 11 majit.
Gjatë këtyre veprimeve, janë sekuestruar shuma të mëdha parash dhe dokumente që lidhen me dyshime për manipulime zgjedhore.
Pas aksionit, një delegacion i lartë nga SPAK dhe Byroja Kombëtare e Hetimit u takua me drejtuesin e Prokurorisë së Elbasanit, Kreshnik Ajazi, për të diskutuar ecurinë e hetimeve, ndarjen e informacionit dhe përmirësimin e metodave hetimore për trajtimin e krimeve zgjedhore.
Hetimet janë fokusuar në raste të dyshuara për blerje vote, presione ndaj votuesve, keqpërdorim të burimeve shtetërore gjatë fushatës, si dhe përfshirjen e personave me precedentë penal në procesin elektoral.
