Kreu i PD Sali Berisha ka paralajmëruar këtë të enjte gjatë seancës plenare se do të ketë protesta në ditët në vazhdim. Ndonëse drejtuesja e seancës i fiku mikrofonin Beisha e vazhdoi fjalën e tij në rrjetet sociale, duke folur nga Facebook.
“Flet në emër të vasalit Vuçiç, të Putinit, lidhur me rubla ruse dhe përralla babushkash. E vërteta është se Rama është avokati i Vuçiçit, i Serbisë dhe se vëllezërit Karriç janë bashkëaksioner me vëllezërit Rama në Portin e Durrësit. Të gjitha këto detyrojnë opozitën që të mbajë qëndrim tjetër në Kuvend. Këto detyrojnë opozitën që të thërrasë popullin të flasë në këtë parlament. Në rast se nuk flet populli, siç po flasin këta këtu, ky parlament nuk duhet të jetë. Sot do të jetë një ditë në lartësinë e 12 nëntorit, por shumë shpejt ajo datë do të kalohet nga protesta të tjera të fuqishme para parlamenti, në bulevardin e Tiranës. Europa dhe Bota do të marrë vesh se hajdutët nuk do të sjellin kurrë stabilitet. Hajdutët nuk kanë moral, janë të aftë të kryejnë çdo akt ndaj popullit të tyre. Këto janë të vërtetat. Fikeni sa të doni ju mikrofonin, po jo që është mrekulli e FB që të më lejojë mua dhe çdo deputet të komunikojë me zgjedhësit e vetë.”, tha Berisha.
Autoriteti i Konkurrencës mbyll hetimin për Spitalin Amerikan dhe Hygeia: S’ka abuzim sepse çmimet janë “të rregulluara”
Autoriteti i Konkurrencës ka vendosur të mbyllë hetimin paraprak ndaj Spitalit Amerikan dhe Spitalit Hygeia, duke arsyetuar se nuk ka...
