Tërmeti i 26 nëntorit ka bërë bashkë shqiptarët brenda dhe jashtë kufijve.
Një pjesë e mirë e VIP-ave kanë dhënë kontributin e tyre, për kapërcimin e kësaj situate.
Gjithashtu shtetet fqinje dhe jo vetëm, kanë dhënë ndihmesën e tyre, nëpërmjet vlerave monetare.
Përveç tyre, njerëzit e thjeshtë kanë mbledhur para dhe ndihma materiale për të prekurit.
Së fundmi, një grup të rinjsh nga komuniteti shqiptar i Mynihut në Gjermani, kanë mbledhur një vlerë prej 11.040.81 eurosh.
Këtë shumë ata ia kanë dorëzuar Këshillit të Ministrave.
Kujtojmë këtu se tërmeti i 26 nëntorit la pas 51 viktima dhe qindra të plagosur.
Mijëra persona ndërkohë kanë mbetur pa shtëpi dhe po strehohen në çadra dhe hotele.
