Presidenti i Republikës, Ilir Meta ka reaguar lidhur me situatën e rëndë mjedisore të krijuar nga plehrat jo vetëm në qytetin e Durrësit, por edhe në bregdetin e Adriatikut. Me anë të një postimi në rrjetet sociale Meta e ka cilësuar të pa paranueshem dhe të dënueshme me ligj, situatën e cila ndodhet në prag emergjence dhe kërkon reagimin e menjëhershëm të pushtetit vendor dhe institucioneve përgjegjëse. Gjithashtu Meta ka shkruar se krim mjedisor jo vetëm që dëmton rëndë shëndetin e turistëve dhe banorëve, por edhe dëmton imazhin e Shqipërisë.
“E papranueshme dhe e dënueshme ligjërisht situata e rëndë mjedisore, në prag emergjence, e shkaktuar nga mbeturinat në qendrat urbane dhe përgjatë bregdetit të Adriatikut, veçanërisht në kulmin e sezonit turistik.
Ky krim mjedisor, me pasoja të rënda për shëndetin e banorëve dhe të turistëve, për florën e faunën dhe që dëmton imazhin e Shqipërisë, meriton ndërgjegjësim dhe reagim të menjëhershëm efektiv të pushtetit vendor dhe të institucioneve përgjegjëse për mbrojtjen e mjedisit, si dhe ndëshkim nga drejtësia. 🇦🇱”, deklaron Presidenti Meta.
Kujtojmë se situata kaotike e krijuar me menaxhimin e mbetjeve në Bashkinë e Durrësit duket se ende nuk ka marrë drejtim përfundimtar në afatgjatë. Mbetjet e qytetit bregdetar po dërgohen në vend-depozitimin e Sharrës, por ky i fundit i ka lënë kohë deri më 15 korrik për të gjetur zgjidhje.
