Një tjetër skandal mbi publikimin e të dhënave personale është zbuluar nga mediat ditën e djeshme. Bëhet me dije se numrat e telefonit të 3 milion shqiptarëve janë reklamuar në një faqe në internet për tu shitur. Çmimet për blerjen e të dhënave për numrat shqiptarë të telefonisë mobile variojnë nga 500 deri në 4000 dollarë.
Kujtojmë se kjo është hera e disatë brenda një afati të shkurtër kohor që të dhënat personale të shqitarëve dalin në shesh dhe askush nuk ka mbajtur përgjegjësi. Në fillim dolën të dhënat e patronazhistëve të cilët gjenin për kë votoje, pas tyre rrodhi nga sistemi databaza e pagave të qytetarëve që punojnë në administratën publike, por edhe private, pas pagave dolën targat e makinave dhe tani numrat e telefonit. E drejta për privatësi është një ndër të drejtat themelore të njeriut, ndaj marrja dhe publikimi i të dhënave personale dënohet me ligj.
Në lidhje me këtë episod, ka reaguar edhe nënkryetari i LSI, Petrit Vasili.
Me anë të një postimi në rrjetin social Facebook, Vasili thotë se kjo është një estradë e orkestruar nga kryeministri Edi Rama, për të fshehur farsën serbo-ruse me “Ballkanin e Hapur”, por edhe rritjet e pajustifikuara të çmimeve.
Postimi i plotë:
Estrada me numrat e telefonit, renia e Open Balkan, cmimet e tmerrshme etj…!
Edi Rama dje ne aksham filloi nje estrade te trashe me gjoja listat e numrave te telefonit, qe medemek shiten ne pazar.
Estrada e Rames pritej, bile ne fakt duhet te fillonte edhe me shpejt, sepse duhej me patjeter nje zhurme teneqesh, pas deshtimeve njeri me i rende e me poshterues se tjetri.
Kancelari Scholz e shkriu krejt farsen serbo ruse te Ballkanit te Hapur pas zderhalljes idiote te Ohrit dhe jua ngriu tradhetine ne buze Rames & co duke i lene si guakë.
Kajmaku e justifikoi besimin dhe vleresimin e Rames per te dhe i futi nje dore prej 1 milione euro droge ashtu sic rilindja e ka qejf, paçka se italianet e “mallkuar” e kapen dhe ja prishen Rames edhe festen e partise.
Hatasë me inceneratoret fundi i duket shume larg dhe dokumenta e fakte dalin perdite, qe e bejne gjithnje e me katran Ramen dhe po ja bejne hallin sa nje mal.
Çmimet e tmerrshme kane egersuar te gjithe njerezit sepse jane pasoje shqeto e pazarit te Rames me oligarket per te grire miliona euro dhe kete e ka kuptuar i madh dhe i vogel.
Keto gjëma e bëma buçasin e tundin dynjane.
Keto degjojne dhe keto ju dhembin deri ne palce te gjithe njerezve dhe me keto e vetem me keto do te merremi edhe ne.
Sa per keto zhurmat e kanoçeve me estrada numrash telefoni, le t’ja leme te merret Rama vete me to tamam si ata matufet, qe luajne me jargët e veta!
