Segmenti i ri i autostradës Thumanë-Kashar është “katastrofa” e radhës e Qeverisë. “Rruga prej ari” është parashikuar nga oligarkët të zhvasë miliona euro çdo vit. Të gjitha rëndojnë në xhepat e banorëve të zonës, të cilët:
- Janë izoluar dhe u duhet të udhëtojnë në drejtim të Rinasit për të kaluar më pas në autostradën Thumanë-Kashar. Autostrada ka bllokuar aksin e vjetër.
- Nuk janë dëmshpërblyer për shtëpitë apo bizneset e prishura.
- Tarifa për të kaluar në këtë segment është 2.52 euro me TVSH, i katërti më i shtrenjti në 59 autostradat me pagesë në Europë.
Ndërtimi i aksit Thumanë-Kashar i ka kushtuar shtetit shqiptar katër herë më shumë se rrugët europiane. Koncesionari Bashkim Ulaj me kompaninë e tij Gener 2 do të zhvasë mirë xhepat e shqiptarëve.
Ai ka planifikuar një koncesion me të ardhura për koncesionarin 1.56 miliardë euro me TVSH për 35 vite. Ndërtimi, mirëmbajtja dhe transferimi i saj do të kushtojë 61.9 milionë euro/km, vlerë 3 deri në 4 herë më e lartë se partneritetet europiane.
Kjo është vlera më e lartë krahasuar me shifrat e qeverisë shqiptare, e cila në Listën e Investimeve Strategjike 2019-2020 zbulonte se me fondet e veta rruga do të ndërtohej për 169 milionë euro. Edhe pse çdo gjë tashmë dihet, çdo skemë abuzimi me taksat e qytetarëve është bërë publik, oligarkët nuk duan t’ja dinë.
Opozita gjithashtu ka kyçur gojën përpara këtij skandali të madh, që ka nxitur banorët të ngrihen në protestë. Dje një numër i vogël i tyre u përballën me forcat e policisë në këtë autostradë. Efektivët e policisë në shumicë, kanë bërë çmos që banorët të largohen ndërsa përdorën “spray” djegës dhe i shoqëruan me dhunë në komisariatin e Fushë-Krujës.
Megjithatë pas çdo përpjekjeje të oligarkëve, qeverisë dhe opozitës së blerë, për ta ndaluar, protesta do të vazhdojë.
View this post on Instagram
