Një ngjarje e paprecedentë ka ndodhur në Pogradec, ku gjithçka është filmuar nga kamerat e e një banese.
Nga pamjet shihet që Gjergji Riza, i cili është oficer policie godet pa ndalim shtetasin e identifikuar si Ervin Norolla.
Nga pamjet filmike duket se oficeri e ka goditur në ambientet e brendshme të një pallati në Pogradec, ndërkohë që policia nuk jep asnjë informacion mbi rastin dhe nuk dihet arsyeja pse është dhunuar. Bëhet me dije se Nnjarja ka ndodhur më datë 08.02.2023 në mes të ditës në pallatin në rrugën “Rinia” në lagjen numër 1 të Pogradecit.
Ndonëse fjalët janë të pakuptueshme, në një moment qytetari dëgjohet duke i thënë oficerit të policisë “për Zotin e madh nuk bëj gjëra të tilla”, por ai vazhdon ta godasë me shpulla dhe ta mbajë të kapur për rrobash. Më pas e shtyn nëpër shkallë dhe e qëllon me shqelma.
Sipas informacioneve bëhet me dije se Drejtoria e Përgjithshme e Policisë e ka pezulluar fillimisht oficerin i cili punonte më parë në Pogradec, ndërsa tashmë ndodhet në Drejtorinë Vendore të Policisë Korçë. Nuk dimë nëse do të merret ndonjë masë disiplinore për punonjësin e policisë së shtetit, teksa këto pamje që janë publikuar ditën e sotme, po bëjnë “xhiron” e rrjetit.
