Në Kosovë raportohet një rast i rëndë abuzimi seksual që ndodh në ambientet shkollore. Një mësues i identifikuar me emrin Valentin Selmanaj është filmuar duke puthur në buzë një nxënëse të klasës së shtatë. Theksojmë që ngjarja ka ndodhur të premten në një shkollë fillore ‘Lidhja e Prizrenit’ në komunën e Deçanit. Ngjarja është filmuar me telefon pas derës së klasës
Siç shihet edhe në videon e bërë publike nga ‘JOQ Albania’, mësuesi përpiqet të puthë më forcë të miturën teksa kjo e fundit shfaqet konfuze në veprimet e saj.
View this post on Instagram
Ai është ndaluar për 48 orë nën dyshimin se e ka kryer veprën penale “Sulm seksual”.
Duhet thënë që abuzimet dhe ngacmimet seksuale ndaj nxënësve në shkolla, janë fenomene mjaft shqetësuese edhe në shoqërinë shqiptare, por akoma edhe më shqetësuese kur ato nuk raportohen nga viktimat që pësojnë këtë abuzim, apo edhe nga ata që janë në dijeni të tyre.
Rastet në Shqipëri, të abuzimit seksual me të mitur brenda institucioneve të shkollave, herë të raportuara në media, dhe herë nga organizata që merren me të drejtat e fëmijëve dhe të rinjve, nuk janë të pakta në vendin tonë.
