Gazetari Arjan Çani ka thënë se ai parashikon që Edi Rama të jetë në pushtet deri në 2029-ën, nëse s’ka aksidente rrugës. Në një intervistë për “Pikat mbi I” në Neës24, Çani tha se Rama e sheh Shqipërinë si telajo që do ta pikturojë. Sipas tij, Rama do të lërë gjurmë në dimensionin estetik dhe të rregullojë fasadën. Çani tha se deri diku Rama e ka arritur diçka të tillë me Rilindjen Urbane, por ai nuk e ka përfunduar Akoma pikturën e tij.
“Mandati i Ramës është legjitim të kërkojë mandatin e tretë, për të ardhur tek rasti i Shqipërisë, mandati i 3-të e i 4-t, llogaris edhe këtë nëse nuk ka aksident. Pra parashikoj të jetë deri në 2029 nëse s’ka aksident rrugës. Rama për nga profesioni bazë është piktor, meqë nuk u bë Van Gogh, shfrytëzon rastin përveç shumë ambicieve të tjera, që Shqipërinë ta shohë si telajo që do ta pikturojë. Deri tani ka pikturuar një pjesë, ka dhe një pjesë të madhe. Ai do të lërë gjurmë, dhe e do tek dimensioni estetik. Do të rregullojë fasadën, nga ana urbane Shqipëria është vend i shëmtuar, i pistë. Rama do t’i japë një look, një buzëkuq. Diku-diku e ka arritur. Me këtë Rilindjen Urbane. S’ka mbaruar akoma pikturën e tij. Si mund t’i thuash një piktori nxirre pikturën, kur s’ka vënë pikën e fundit në telajo. Ai ka telajon përgjysmë”, tha Çani.
