Ish-ministri i Shëndetësisë Tritan Shehu akuzon qeverinë shqiptare se po përdor ndryshimin e koronavirusit për të mbuluar dështimet në sigurimin e vaksinës.
Sipas tij ende nuk është vërtetuar nëse vaksina dot ketë efekt mbi virusin e ri, ama kjo nuk i jep asnjë arsye qeverisë të gjej justifikime për faktin që po vonon marrjen e vaksinës.
“Rama kërkon të përdori ndryshimet e Covid për të larguar vëmendjen nga dështimet, veçanërisht për vaksinën dhe mallkuar partnerët për atë që kjo Qeveri nuk realizoi.
Nuk ka të dhëna që ka ndryshuar efikasiteti i vaksinave. Pra në vend të mallkimeve, Rama e qeveria e tij duhet të zhvillojnë masa adaptuese si në vendet e tjera: Sigurimi edhe më urgjent i sasive të mëdha të vaksinës Covid.
Rama në dështimin e tij jo vetëm që e ka lënë gjendjen jashtë kontrollit, po edhe sot kërkon të fshihet mbas “profecive” e mallkimeve, ndaj atyre që janë shpresa jonë e vetme”, ka thënë ish-ministri i Shëndetësisë, Tritan Shehu, nëpërmjet një postimi në Facebook./Gazetareforma.com/
