Në turin Balkanik që po zhvillon kryeministri i Shqipërisë Edi Rama, ai është ndalur në Mal të Zi ku ka zhvilluar një konferencë të përbashkët me homologun e tij malazez, Dritan Abazoviç. Abazoviç u pyet nga gazetarët në lidhje me situatën në veri të Kosovës, për të cilën u shpreh se konflikti nuk i vlen asnjërës nga palët.
Sipas kryeministrit malazez, ajo çfarë duhet të bëjnë Kosova dhe Serbia, është të qëndrojnë në marrëveshjen për normalizimin e raporteve, e arritur sipas planit franko-gjerman, për të cilin palët janë pajtuar në fund të shkurtit, në Bruksel. Sipas Abazoviç propozimimi mund të mos jetë perfekt, por ka baza.
“Unë mendoj që cdo konflikt, qoftë ai politik, me ndërkombëtarët, nuk është i mirë as për Kosovën, as për Serbinë, por as për rajonin. Mendoj është harxhuar një energji e madhe, një kohë e madhe për deri te një propozim. Ai propozim ndoshta nuk është përfekt, por është i mirë. Dhe mendoj se do të ishte mirë me shku drejt firmosjes së asaj marrëveshje. Dhe, mendoj se ai kishte qenë një boost i mirë për krejt rajonin, që më në fund jemi duke rënë dakord për diçka, e jo që jemi gjithçka më larg një marrëveshjes”, u shpreh Abazoviç.
33 ditë pa brakiterapi në Onkologjik, gazetari: Kriminale, kush mban përgjegjësi?
Spitali Onkologjik në Tiranë prej 33 ditësh nuk ofron shërbimin e brakiterapisë, pasi pajisja e posaçme ka dalë jashtë funksionit...
