Prej ditësh në vend kanë ardhur 192 mijë dozat e para të vaksinës me të cilat ka nisur edhe vaksinimi masiv. Siguria e vaksinave kineze ka shkaktuar një debat të gjerë pasi ato nuk janë njohur nga OBSH dhe nga Agjencia europiane e Barnave. Megjithatë mjekët kanë bërë vazhdimisht apel se vaksinat kineze të Sinovac janë të sigurta për përdori. Ndër ta edhe mjeku Pëllumb Pipero, i cili ka thënë se emisionin “Open” se nëse një vaksinë është mbi 60% efektive, atëherë ajo konsiderohet e mirë.
“Është e rëndësishme që një vaksinë të jetë e regjistruar në vendin e origjinës dhe të jetë e përdorur në vendin e origjinës. Kjo na jep garanci për përdorimin në një vend tjetër. Nuk ka të njëjtin ligj për vaksinën siç ka për medikamentet.
Dua të them që për vaksinën kineze nuk bëhet fjalë për teknologji të re, por për ato më të vjetrat se është e bazuar mbi virus të dobësuar. Në opinionin tim është më afër asaj që është imuniteti natyral, edhe pse teknologjitë e reja janë absolutisht një arritje shumë e madhe, një siguri më shumë dhe mundësi për të siguruar vaksinimin e shumë qytetarëve. Për mua, nuk ka vaksina të këqija, por janë të mira. Nëse një vaksinë jep efikasitet mbi 60%, konsiderohet shumë e mire”, ka thënë Pipero.
