Si të shmangni avullin te syzet kur keni maskë, zbuloni mënyrën praktike dhe efikase

Google+ Pinterest LinkedIn Tumblr +

Tashmë zakonet tona të përditshme kanë ndryshuar për shkak të pandemisë, dhe një prej risive është edhe përdorimi i maskës.

Mbajtja e maskës në çdo ambjent, është e sikletshme dhe bezdisëse, sidomos për personat që mbajnë syze optike, për shkak të krijimit të avullit gjatë frymënxjerrjes.

Për këtë problematikë, një neurolog amerikan ka dhënë një zgjidhje praktike se si mund të parandalohet mjegullimi i syzeve.

Neurologu Daniel Heiferman me anë të një postimi në rrjetin e tij social twitter, i cili është bërë viral në internet, ka treguar një mënyrë efikase se  si përdoruesit e syzeve të shmangin avullimin e tyre me mbajtjen e maskës.

Heiferman në postim shihej me një maskë fytyre dhe në pjesën e hundës sipër maskës kishte  vendosur një leukoplast.

“Nëse e keni të vështirë me mjegullimin e syzeve ose mbajtjen e maskës, një leukoplast i thjeshtë bën mrekulli.”, ka shkruar ai./GazetaReforma.com/

Shpërndaje
Share.

Komento