Ditën e sotme, Gjykata Kushtetuese ka shtyrë sërish seancën për operacionin për ndërtimet pa leje me VKM. Kësaj radhe arsyeja e shtyrjes së seancës ka qenë pretendimi i ngritur se personat që kanë firmosur kërkesën duhet të jenë prezent në sallë. Ndërkohë që në një deklaratë për mediat, deputeti demokrat Gazment Bardhi e konsideroi si absurde këtë kërkesë të të Gjykatës Kushtetuese.
Gjithashtu ai akuzoi trupën se po përpiqen të zvarrisin çështjen me urdhër të kryeministrit Edi Rama. “Zvarritje dhe zvarritje. Ajo që unë konstatoj është se shantazhi i kryeministrit ka mbërritur në Gjykatën Kushtetuese. Një pjesë e anëtarëve të Gjykatës Kushtetuese e kanë marë mesazhin mafioz nga kryeministri”, tha Bardhi. Vlen të sjellim në vëmendje se operacacionin e qeverisë për konfiskimin e ndërtimeve opozita e quajti shkelje të ligjit ndaj Partia Demokratike e dërgoi në Kushtetuese me kërkesën për shfuqizimin e vendimit pasi sipas tyre Rama ka marrë në mbrojtje oligarkët e ndërtimit të Kullave pa leje në mes të Tiranës. PD përmes padisë argumentoi të gjitha shkeljet e ligjit. Ky akt është legalizim pa ligj i ndërtimeve pa leje, është amnisti penale pa ligj, duke i përjashtuar nga dënimi me burg, është certifikim i pabarazisë mes qytetarëve”, shkruhet ndër të tjera në padinë e PD-së.
