Seanca gjyqësore për kërkesën e ish-kryebashkiakut të Kukësit, Safet Gjici, për lirinë me kusht për shkaqe shëndetësore është shtyrë.
Shkak për këtë është mungesa e prokurorëve të çështjes, të cilët janë në trajnim me OSBE-në për zgjedhjet e 11 Majit 2025.
Safet Gjici është dënuar me tre vjet burg nga Apeli i GJKKO për “korrupsion pasiv”, pas publikimit të një skandali seksual në zyrën e tij në qershor 2023.
Ai u arrestua më 24 qershor 2023, pas një video-skandali ku ai shfaqet duke kryer marrëdhënie intime me një grua, Alma Kaçi.
Fillimisht, Gjici u dënua me dy vite burg nga Gjykata e Posaçme, por pas apelimit, gjykata e dënoi me 4 vite e 6 muaj burg, ndërsa falë gjykimit të shkurtuar, i u zbrit një e treta e dënimit, duke marrë përfundimisht 3 vite burg.
Alma Kaçi u dënua me 1 vit heqje lirie, ndërsa Safet Gjici iu hoq e drejta për të ushtruar funksione publike për 5 vjet.
