Gjykata e Posaçme kundër Korrupsionit dhe Krimit të Organizuar ka shtyrë seancën për çështjen e inceneratorit të Tiranës për më 20 janar, në orën 13:30, për shkak të mosnjoftimit të një prej të pandehurve që jeton jashtë vendit.
Më 16 korrik 2024, Prokuroria e Posaçme kishte njoftuar nisjen e hetimeve për inceneratorin e Tiranës, duke akuzuar një grup kriminal të strukturuar që ka pastruar 20 milionë euro pasuri, të lidhura me kontratën e inceneratorit.
Masat e sigurisë për disa të pandehur janë caktuar, përfshirë arrestin në burg për individë si Dashamir Ymeraj, Denisa Tollkuçi dhe 3 shtetas të huaj, ndërsa Klodian Zotaj dhe Mirel Mërtiri janë në krye të grupit kriminal.
