Procesi gjyqësor për rrëmbimin dhe zhdukjen e Jan Prengës u shty sot për shkak të mungesës së avokatit dhe të pandehurit Aldo Majnishta, i cili nuk ishte prezent në sallë.
Në seancë ishte i pranishëm i pandehuri Dritan Rexhepi, i cili aktualisht ndodhet në Institucionin e Ekzekutimit të Vendimeve Penale në Fier.
Avokatja e Rexhepit kërkoi që gjykimet të mos zhvillohen të premteve, duke argumentuar se klienti i saj duhet të qëndrojë në paraburgimin 313 deri të hënën. Kërkesa u mbështet edhe nga vetë Rexhepi.
Gjykata pranoi shtyrjen e seancës dhe pezulloi afatet e paraburgimit për Aldo Majnishtën dhe Dritan Rexhepin deri në datën e radhës. Seanca e ardhshme u caktua më 3 shkurt, në orën 14:00.
Të pandehurit në proces:
Dritan Rexhepi – I arrestuar
Aldo Majnishta – I arrestuar
Gentian Funiqi – Në mungesë
Korado Gështenja – Në mungesë
Martin Bleta – Në mungesë
Artan Doçaj – Në mungesë
Geraldo Martini – Në mungesë
