Numri i të infektuarve me Covid-19 në burgun e Drenovës është rritur, duke bërë që autoritetet e institucionit të vuajtjes së dënimit të alarmohen.
Dy ditë më parë prej 27 tamponëve, rezultuan pozitivë në këtë burg 8 të burgosur.
Ndërkohë që ditën e sotme, pasi u është bërë tamponi, kanë rezultuar pozitivë edhe dy të burgosur të tjerë.
Rreziku më i madh nga Covid-19, tashmë është nëpër institucionet e mbyllura, siç janë burgjet, pasi rrezikohet të kthehen në një vatër ku mund të përfshihen të gjithë pjesëtarët e institucionit.
