Një 42-vjeçar shqiptar ka thyer urdhrin e arrestit, duke dalë nga shtëpia në mes të ditës. Policia ka arritur që ta kapë shqiptarin në një park jo shumë larg shtëpisë së tij.
Në këtë mënyrë, shqiptari është shoqëruar në komisariat dhe aty është pyetur se përse kishte dalë nga shtëpia.
Përgjigjja e shqiptarit ka qenë epike kur ka thënë se kishte nevojë për më shumë ajër ndaj kishte dalë në park, po dhe se gjaku nuk i qarkullonte shumë mirë në trup në hapësirën e vogël që ka në shtëpi.
“Bëra nja dy hapa në park që të qarkullonte gjaku sa më mirë sepse shtëpinë e kam të vogël dhe nuk eci shumë’’, ka thënë shqiptari në komisariatin policisë.
Por ky justifikim që u ka dhënë shqiptari nuk e ka shpëtuar nga burgu.
Policia italiane e ka lënë sërish në arrest shtëpie. Por nëse e thyen edhe një herë masën e arrestit, ai do të transferohet në ambientet e burgut.
Mësohet se shqiptari ishte arrestuar për trafikim të lëndëve narkotike, e më pas është caktuar masa “arrest shtëpie”.
