Franca mund të quhet fare mirë një nga vendqëndrimet më të preferuara nga shqiptarët dhe këtë herë një prej tyre quhet hero për popullin francez.
Një shqiptar ka arritur që të parandalojë një sulm me armë zjarri në një diskotekë në Avallon të Francës dhe ky i fundit ka treguar si kanë rrjedhur ngjarjet atë natë në një intervistë për Klan Kosova.
Shqiptari i identifikuar si Bujar Muli ka treguar jo vetëm momentet e panikut që u shkaktuan në disko, por edhe çastin kur policia i drejtoi armën.
“Sot rreth orës 4 të gjysmë të mëngjesit, një person ka dashur të hyjë me kallashnikov atje ku unë punoj. Pastaj ne e kemi parë në kamerat, por ai nuk e ka ditur se ne kemi qenë duke e përcjellur.
Ne me kolegët e mi, të gjithë jemi shqiptar kemi arritur të godasim personin, i cili ka dashur të kryejë një akt. Kemi menduar se ka qenë një person tjetër, por fatmirësisht ai ka ik.
Aty kemi has një polic, ku rreziku më i madh për mua ka ka qenë për mua. Policia ka menduar se unë kam qenë duke kryer atentatit dhe më kanë drejtuar revolen. Fatmirësisht kolegët e mi kanë reaguar dhe i kanë treguar se nuk kam qenë unë.
Atë personin nuk e kemi parë kurrë. Policia e njihte për arsye se ka qenë një ushtar francez. Policia na ka treguar se do të merret ligji i ushtrisë me personin, i cili ka dashur të kryejë këtë atentat.
Pasi kemi përfunduar punën normal edhe klientët kanë qenë të paktën 200 klientë, të gjithë na kanë falënderuar dhe të gjithë janë çudit sesi ne shqiptarët nuk kemi frikë nga askush dhe se kemi vendosur të sakrifikojmë veten për të mbrojtur klientët. Të gjithë kemi qenë të kënaqur edhe policia edhe klientët. Ka raste që përleshemi me njerëz të pandërgjeshëm po kshu me kallashnikov kemi parë në këto ngjarjet e fundit që shohim nëpër rrugë”, ka rrëfyer Muli, i cili padyshim ka treguar guxim të jashtëzakonshëm.
https://www.facebook.com/bujarmuli/videos/2314440868622819/
Gjithashtu Muli ka theksuar se klientët e diskotekës dhe jo vetëm, janë surprizuar nga guximi që tregoi shqiptari dhe nga mënyra sesi menaxhoi situatën.
