Ditën e djeshme ministrja e Shëndetësisë Ogerta Manastirliu deklaroi se për herë të parë Shqipëria është përzgjedhur nga Organizata Botërore e Shëndetësisë për tu bërë pjesë e një studimi klinik ndërkombëtar për të optimizuar protokollin e trajtimit të pacientëve pacientëve me koronavirus.
Kjo deklaratë u shoqërua nga aludime të shumta, ku pati nga ata që u shprehën se shqiptarët po shndërrohen në kavie.
Por, si qëndron vërteta e “Solidarity Trial”?
“Solidarity” është një test klinik ndërkombëtar për të ndihmuar në gjetjen e një trajtimi efektiv për Covid-19, i iniciuar nga Organizata Botërore e Shëndetit dhe si qëllim të studiojë katër mundësi trajtimi kundër standardit të kujdesit, për të vlerësuar efektivitetin e tyre relativ ndaj Covid-19.
Duke regjistruar pacientë në vende të shumta, “Solidarity Trial” synon të zbulojë me shpejtësi nëse ndonjë prej ilaçeve ngadalëson përparimin e sëmundjes ose përmirëson mbijetesën, teksa bazuar në prova që shfaqen mund të shtohen ilaçe të tjera, shkruan Gazeta Shqip.
Nisur nga fakti se provat klinike zakonisht duan vite për të hartuar dhe zhvilluar, Solidarity Trial do të zvogëlojë kohën e marrë me 80%, duke e shtrirë veprimtarinë në 100 shtete.
Regjistrimi i pacientëve në një test të vetëm të rasteve do të ndihmojë në lehtësimin e krahasimit të shpejtë në mbarë botën të trajtimeve të paprovuara dhe kjo do të kapërcejë rrezikun e testeve të shumta të vogla që nuk gjenerojnë prova të forta të nevojshme për të përcaktuar efektivitetin relativ të trajtimeve të mundshme.
Që nga 21 prilli, mbi 100 vende janë duke punuar së bashku për të gjetur terapeutikë efektivë sa më shpejt të jetë e mundur, përmes këtij testi.
Ky test ka për qëllim të identifikojë dhe konfirmojë çdo përfitim për pacientët COVID-19.
Trajtimi klinik bëhet vetëm me pëlqimin e pacientit.
