Një natë feste në diskotekën “La Grotta di Artegna” në Udine, është kthyer në një sherr masiv mes disa të rinjsh.
Ngjarja është regjistruar gjatë mesnatës së sotme.
Në sherr u përfshinë 10 persona, ku njëri prej tyre u plagos rëndë, ndërsa 3 të tjerë u arrestuan.
Sherri nisi, pasi një 24-vjeçar shqiptar u godit me shishe qelqi në kokë dhe përfundoi në spital.
Gjithashtu nuk munguan as shqelmat dhe grushtet.
Policia arrestoi dy shqiptarë të moshave 20 dhe 26 vjeç, si dhe një nigerian.
Fillimisht të rinjtë u dërguan në spital për të marrë ndihmë mjekësore dhe më pas iu vunë prangat.
Tashmë pritet që Prokuroria të caktojë masat ndëshkimore për të rinjtë.
