Padia e Metës për Dvoranin, Prokuroria e Tiranës shpall moskompetencën

Google+ Pinterest LinkedIn Tumblr +

Prokuroria e Tiranës ka shpallur moskompetencën për padinë e presidentit Ilir Meta, ndaj kreut të KED, Ardian Dvorani dhe dosja pritet që t’i kalojë SPAK.

Kjo për shkak se Dvorani është zyrtar i lartë dhe tagrin për hetimin e tij e ka SPAK.

Konflikti mes Dvoranit dhe Metës lindi për shkak të emërimeve në Gjykatën Kushtetuese.

Për të njëjtin pozicion u përzgjodhën dy kandidate, Arta Vorpsi nga KED dhe Marsida Xhaferllari nga Meta.

Kreu i shtetit akuzon Dvoranin se ka shpërdoruar detyrën, ndërsa e quan ushtar të qeverisë.

Meta gjithashtu ka kërkuar nga prokuroria sekuestrimin e audiove të mbledhjeve të KED, për të parë nëse procedura e dërgimit të listave në Kuvend dhe Presidencë, është bërë sipas procedurave.

Presidenti ka publikuar edhe dy video, të cilat sipas tij provojnë shkeljet e Dvoranit.

Ky i fundit i ka quajtur videot e Metës, seriale me metrazh të shkurtër.

Shpërndaje
Share.

Komento