Gjuha shqipe është bërë zyrtare në Maqedoni, pak ditë më parë, pavarësisht mosnënshkrimit të presidentit të vendit, Gjorge Ivanov.
Ligji u dërgua në faqen zyrtare dhe pas shpalljes do të hyjë menjëherë në fuqi.
Por zyrtarizimi i gjuhës shqipe, si gjuhë e dytë zyrtare në Maqedoni, është pasqyruar edhe në enciklopedinë online më popullore, Wikipedia.
Tashmë nëse kërkojmë të dhëna në Wikipedia për Republikën e Maqedonisë, ajo që të bie në sy është përditësimi i fundit sa i takon gjuhëve zyrtare.
Wikipedia nga sot si gjuhë zyrtare në Maqedoni përveç gjuhës maqedonase dhe alfabetit të saj cirilik ka renditur dhe gjuhën shqipe.
