Nga data 5 shtator Shqipëria do të jetë në listën e Gjermanisë të vendeve me rrezik të lartë nga Covid. Ambasada Gjermane ka bërë të ditura rregullat që duhet të ndiqen për të udhëtuar atje, duke filluar që me regjistrimin online. Gjatë regjistrimit, qytetarët duhet të ngarkojnë një dëshmi vaksinimi të plote ose që e kanë kaluar Covid-19. Në mungesë të këtyre, për të hyrë në vend duhet një test i Covid-19 dhe pas mbërritjes udhëtarët duhet të karantinohen për 10 ditë.
Njoftimi i Ambasadës Gjermane:
Informacion i rëndësishëm për udhëtarët për në Gjermani
Nga dita e dielë, 5 shtator 2021, Shqipëria konsiderohet sërisht si një vend me rrezik të lartë nga Covid19. Për hyrjen në Gjermani kjo do të thotë:
🔺 Ju duhet të regjistroheni në faqen e internetit ëëë.einreiseanmeldung.de para se të udhëtoni për në Gjermani.
🔺 Gjatë regjistrimit Ju duhet të ngarkoni një dëshmi shërimi nga një infeksion me Covid19 ose që jeni plotësisht të vaksinuar.
🔺 Nëse nuk mund të paraqisni asnjërën nga këto dy dëshmi, do t’ju duhet një test i Covid19 për të hyrë në Gjermani. Megjithatë pas mbërritjes do ju duhet të karantinoheni për dhjetë ditë. Pas pesë ditësh, ju mund të testoheni përsëri dhe, nëse rezultati i testit është negativ, mund t’i jepni fund karantinës.
Informacione të mëtejshme gjenden në faqen tonë të internetit:
