Pas mbërritjes së Lulzim Bashës pranë banorëve të Astirit në “Unazën e Re”, ka pasur shumë televizione të pranishme të cilat ishin duke transmetuar në kohë reale, mirëpo Basha ka bërë një veprim ndryshe nga natyra e tij, ka refuzuar të përgjigjet për një analist.
I lidhur drejtpërdrejt me studion e “Dritare me Rudinën”, Basha nuk ka pranuar që të bëjë debat me Shpëtim Nazarkon, duke e mbyllur gati menjëherë bisedën.
Basha ka folur edhe një herë për vjedhjen e votave dhe për urdhrin që policia kishte marrë për shoqërimin e banorëve që protestonin dhe në fund kur analisti, Shpëtim Nazarko ka kërkuar të ndërhyjë, Basha e ka mbyllur bisedën me fjalët: “S’jam duke bërë konferencë me zotin Nazarko unë! Faleminderit dhe natën e mirë!”
“Pushteti ilegjitim i ngritur mbi votën e vjedhur nga bandat po u shërben bandave. Policia ka marrë urdhër që të shoqërojnë banorët që kanë mbi 4 muaj që protestojnë natë për natë për të mbrojtur banesat e tyre, nga afera më korruptive, për të cilën sot duhet të ishte në burg Damian Gjiknuri dhe duhet të ishte marrë i pandehur Edi Rama”, deklaroi Basha, që sipas tij Forcat e Ndërhyrjes së Shpejtë kishin shkuar për të larguar protestuesit.
Por ndërhyrjes së analistin Shpëtim Nazarko, Basha iu përgjigj: S’jam duke bërë konferencë me zotin Nazarko unë! Faleminderit dhe natën e mirë!
