Me 1 mars mdodhi një shpërthim i fortë në një kapanon ndërtimi në Lushnjë, ku ndërruan jetë 2 persona dhe 7 të tjerë u plagosën rëndë, mes tyre dhe deputeti i PS-së Bujar Çela, që ishte pronari I kapanonit.
Lidhur me këtë ngjarje të rëndë, ka reaguar edhe kryetarja e bashkisë së Lushjnës, Eriselda Sefa, e cila tha për mediat se është përgatitur grupi i ekspertëve dhe ditën e hënë do të fillojë verifikimi i të gjitha banesave dhe bizneseve të cilët janë dëmtuar nga shpërthimi.
Kujtojmë që dje Prokuroria nisi hetimet në dy pista, ajo e shpërthimit pasi vinçieri preku telat e tensionit të lartë, dhe pista tjetër është saldimi pranë bombolave të gazit.
Kujtojmë se aksidenti ndodhi pasditen e 1 marsit, ku të vdekur mbetën babë e bir Roland dhe Elidon Hoxha. Pas shpërthimit babai ka ndërruar jetë në vinç, ndërsa i biri u transportua me ambulancë në drejtim të Tiranës, por fatkeqësisht rrugës ka ndërruar jetë.
