Shpërthim i fuqishëm në ish-Bllok, banorët në panik për ndonjë shpërthim tjetër

Google+ Pinterest LinkedIn Tumblr +

Një shpërthim i fuqishëm ka ndodhur pak minuta më parë në zonën e ish-Bllokut në Tiranë. Si pasojë e këtij shpërthimi mbetën të plagosur 4 persona, ku gjendja e tyre mësohet se është jashtë rrezikut për jetën.

Dyshohet se një bombul gazi ka shpërthyer në një dyqan eventesh pranë një argjendarie, ku dëmet materiale janë të shumta.

Të shumta janë edhe dëmet materiale për bizneset ngjitur biznesit ku ndodhi shpërthimi.

Banorët në rrugën “Vaso Pasha” janë ende nën panik, pasi një tjetër shpërthim mund të ndodhë për shkak të vatrave të zjarrit. Policia ka “blinduar” zonën, ku ka shmangur edhe lëvizjet e kalimtarëve apo mjeteve. Kjo zonë ende nuk paraqet siguri.

Sipas ” Shqiptarja.com”, janë plagosur burrë e grua, Sokol dhe Alma Pirra, pronarë të argjendarisë, një vajzë 18-vjeçare, Eneda Nura, punonjëse në argjendari, dhe një djalë, Ardanoel Serani, kalimtar i rastësishëm, 23 vjeç.

Njoftimi i Policisë: 

Rreth orës 13:15 në rrugën “Vaso Pasha” në ambientet e një dyqani eventesh ka shpërthyer një bombul gazi.

Si pasojë e shpërthimit janë dëmtuar shtetasit S. P., dhe A. P., E. N., dhe D.S., të cilët u dërguan në spital për ndihmë mjeksëore.

Grupi hetimor ndodhet në vendngjarje dhe po vijon punën për sqarimin e rrethanave të ngjarjes.

Shpërndaje
Share.

Komento