Një bombol gazi mori flakë mëngjesin e sotëm në katin e tretë të një pallati në lagjen Kastriot të Fierit, duke shkaktuar panik mes banorëve. Ngjarja ndodhi rreth orës 08:00.
Zonja e shtëpisë arriti të shuante flakët, por pësoi djegie në fytyrë dhe nuk mundi të mbyllte bombolën.
Në vendngjarje ndërhynë menjëherë forcat zjarrfikëse, policia dhe ambulanca. Nga ana tjetër, banorët u evakuan dhe zona u izolua për shkak të erës së gazit.
E lënduara u transportua në Spitalin Rajonal të Fierit dhe ndodhet jashtë rrezikut për jetën.
