Një ngjarje e rëndë ka ndodhur mëngjesin e sotëm në Kuçovë. Një bombël gazi ka shpërthyer teksa 2 të moshuarit kanë qenë brenda shtëpisë. Bëhet e ditur se shërbimet e zjarrëfikëses kanë bërë të mundur nxjerrjen jashtë në kohë flakëve të të moshuarit Mustafa Kosovës.
Ndërkohë që e moshuara, 84 vjecarja Alije Kosova është nxjerrë jashtë pa shenja jete. Si pasojë e shpërthimit të një bombole gazi, është shembur thuajse gjysma e banesës. 84-vjeçarja Alije Kosova, e cila ngeli poshtë inerteve, ndërsa u nxor e pajetë pas ndërhyrjes së forcave zjarrfikëse dhe policisë. Ndërkohë, burri i saj Mustafa, u nxor i gjallë dhe ndodhet në spital, jashtë rrezikut për jetën. Ngjarja ndodhi në lagjen “11 Janari, në Kuçovë.
NJOFTIMI I POLICISE
Në vijim të informacionit të dhënë në lidhje me ngjarjen e ndodhur në lagjen “11 Janari, Kuçovë, ku ka shpërthyer një bombol gazi në banesën e shtetasve M.K dhe A.K, shërbimet e Njësisë speciale, të zjarrfikëses dhe të Policisë bënë të mundur nxjerrjen e shtetases A.K, e cila si pasojë e dëmtimeve të marra kishte ndërruar jetë.
Ndërsa shtetasi M.K., ndodhet nën kujdesin e mjekëve, në spitalin rajonal në Berat, për momentin në gjendje të stabilizuar shëndetësore. Grupi hetimor, po vijon punën për sqarimin e plotë të rrethanave të ngjarjes.
