Dy adolenshentë u proceduan penalisht për helmimin e mbi 30 nxënësve në gjimnazin “Janaq Kilica” në Fier.
Njëri prej tyre në një rrëfim për “Balkanweb”, pohoi se ka pasur një spraj në xhep, ndërsa hedh poshtë akuzën e helmimit.
Ai u shpreh se njëri nga nxënësit për lojë, ka marrë një antidjersë dhe e ka shkrepur me çakmak.
Si pasojë e lëshimit të gazit në ajër, nxënësit kanë shfaqur probleme me lëkurën, sytë dhe frymëmarrjen.
Prokuroria ndërkohë po vijon hetimet për të zbardhur rrethanat e ngjarjes.
Intervista me nxënësin
Çfarë ka ndodhur në shkollën “Janaq Kilica”?
Në fillim u tha se ka plasur gazi, por pas disa ditësh filloi të zbardhjen ngjarja dhe doli se nuk ishte gazi.
A ke pasur gjë me vete?
Kam pasur një sprajt që lexonte “Diva”, e gjeta në makinën time, por nuk e përdora, thjesht e kisha në xhep. E kam pas edhe ditë më parë në xhep.
Po ku ndodhi helmimi i dytë ishe në shkollë?
Jo, kam qenë në shkollë, por në atë moment nuk kam qenë në ambientet e shkollës, kam qenë jashtë.
Dy shokët e klasës tënde janë akuzuar për këtë ngjarje, çfarë di?
Di që shoku ka pas një anti-djersë në çantë, shoku tjetër e ka marrë dhe e ka shkrepur me çakmak thjesht për lojë.
Ishit në të njëjtën godinë?
Jo, ne ishim në godinë tjetër, ndërsa era e përhapur ishte në godinën tjetër.
Çfarë ke dëgjuar për ngjarjen?
Kam dëgjuar që është kapur ai i fundit që e ka bërë atë.
Mendon se je akuzuar kot?
Po, edhe dy shokët e tjerë. Jam i sigurt.
Je nxënës i mirë në shkollë?
Po.
