Luis Meçaj, shoku i të ndjerit Martin Cani, ka marrë pjesë për herë të parë sot në protestë, pas ngjarjes tragjike të 18 nëntorit, ku ai mbeti i plagosur.
Në foto që qarkullojnë nga protesta e sotme, ai shihet krah prindërve të Martin Canit dhe qytetarëve të tjerë të pranishëm.
Meçaj qëndron pas versionit të tij të mëparshëm, duke pohuar se ishin dy persona të armatosur me thika.
Nga ana tjetër, prindërit e 14-vjeçarit kërkojnë drejtësi, duke shprehur shqetësimin se deri tani nuk ka pasur asnjë reagim nga institucionet.
Martin Cani humbi jetën më 18 nëntor pasi u qëllua me thikë nga bashkëmoshatari i tij, Mario Përlleshaj, pas një konflikti që kishte filluar në oborrin e shkollës dhe u përshkallëzua jashtë ambienteve të saj.
Ngjarja ka degraduar në përdorimin e thikës, ku Mario Përlleshaj dyshohet se ka qenë në klasë paralele me viktimën në shkollën 9-vjeçare ‘Fan Noli’.
Pas goditjes, Martin Cani ka ecur disa metra dhe është rrëzuar, duke ndërruar jetë nga plagët e marra. I plagosur ka mbetur edhe shoku i tij, Luis Meçja, dhe autori i dyshuar, i cili ka marrë dëmtime në dorë dhe është trajtuar në spital pas ngjarjes.
