Më datë 05.12.2024, në rrugën “Myslym Keta”, një aksident ka ndodhur mes dy mjeteve, njëri i drejtuar nga shtetasi F. Gj. dhe tjetri nga shtetasja R. M.
Pas përplasjes, shtetasi F. Gj. është larguar nga vendi i ngjarjes, por ka rikthyer së shpejti bashkë me mjetin e përfshirë në aksident dhe ka nisur një debat me drejtuese R. M.
Shërbimet e Policisë kanë ndërhyrë për të qetësuar situatën, por gjatë përpjekjes për ta neutralizuar, F. Gj. ka goditur me grushte një punonjës të Policisë dhe ka ofenduar autoritetet.
Pas arrestimit dhe shoqërimit në komisariat, testi i alkoolit ka rezultuar pozitiv për shtetasin F. Gj., me nivele prej 0.82 mg/l, 0.66 mg/l dhe 0.71 mg/l.
Ai është arrestuar për veprat penale “Goditje për shkak të detyrës”, “Kanosje për shkak të detyrës”, dhe “Drejtimi i automjeteve në mënyrë të parregullt”.
Punonjësi i Policisë, si pasojë e goditjeve, është dërguar në spital dhe ka marrë raport mjekësor 10 ditor.
