Një tragjedi e mundshme është shmangur ditën e sotme në Tiranë.
Një makinë e cila funksiononte me gaz të lëngshëm ka pasur rrjedhje pranë një pike karburanti në zonën e Freskut.
Ka qenë shefi i zjarrëfikësve të Tiranës, Shkëlqim Goxhaj, i cili ka treguar ngjarjen, në një intervistë për Report Tv.
Ai u shpreh, se punonjësit e karburantit dhe njerëzit e pranishëm, kanë njoftuar shoferin e makinës dhe punonjësit e zjarrëfikëses, të cilët erdhën me shpejtësi në vendngjarje dhe shpërndanë gazin me ujë.
“Kompetenca jonë është mbrojtja e jetës dhe e pronës së qytetarëve. Nuk kemi kufizim kompetencash. Sot tek zona e Freskut është i njëjti rast. Si në rastin e Lezhës. Në momentin që një mjet furnizohej me gaz është parë rrjedhje gazi. Rrugës tek Thesari. Kemi një stacion atje i kinostudios. Kemi punonjës me shumë eksperiencë. Ata rrjedhjen e gazit e mbuluan me ujë dhe u përballua për më shumë se dy orë. ISSHT e lajmëruam ishin polica e shtetit dhe kufizuan zonën. Specialistët izoluan bombolën. Ngjarja erdhi nga rrjedhja e gazit. Edhe ne Lezhë nga kjo ka ardhur. Nëse s’ka oksigjen apo hapësirë nuk kemi zjarr. Kemi info se do të ketë qenë shkëndija e gjeneratorit në Lezhë”, tregon Goxhaj.
Kujtojmë këtu se dy ditë më parë një skenë e ngjashme u regjistruar në Lezhë.
Fatkeqësisht në momentin që u ndez gjeneratori, gazi mori flakë dhe u shkaktua në shpërthim.
Si pasojë e shpërthimit u plagosën 7 persona, midis tyre dy të mitur.
