Mbrëmjen e sotme dy automjete janë përfshirë nga flakët në unazën e qytetit të Elbasanit, raporton Abc News.
Raportohet se makinat janë në pronësi të ish-krut të Gjykatës së Elbasanit, Arben Vrioni dhe gruas së gjyqtarit, e cila është punonjëse në zyrën e urbanistikës në Bashkinë Elbasan.
Automjetet kanë qenë të parkuar pranë banesës së ish-kryetarit Vrioni, ndërsa mësohet gjithashtu se dy automjetet kanë qenë të parkuara larg nga njëri-tjetri.
Sipas informacioneve paraprake, dyshohet që kemi të bëjnë me një zjarrvënie të qëllimshme, duke marrë parasysh se automjetet ndodheshin larg.
Mësohet se fillimisht është djegur automjeti në pronësi të bashkëshortes, ndërsa pak sekonda më pas është djegur automjeti i Vrionit dhe pavarësisht ndërhyrjes në kohë, zjarrfikësit e patën të pamundur që të kontrollonin flakët.
Arben Vrioni ka qenë gjyqtar i Apelit në Durrës por u shkarkuar nga Vettingu më 22 nëntor të vitit të shkuar dhe njihet zyrtarisht si personi që ndihmoi në lirimin e Lulzim Berishës pak muaj më parë.
