Prokuroria e Krimeve të Rënda do të shkrihet menjëherë me ngritjen e Prokurorisë së Posaçme Anti-Korrupsion (SPAK).
Të gjithë dosjet e Krimeve të Rënda, ose do të transferohen në rrethe, ose do të gjykohen nga SPAK.
Një ndër dosjet që do të transferohet në rrethe është ajo e vrasjes së kryekomisar, Artan Cukut.
Bledar Jambelli dhe Kristaq Leci pritet të gjykohen nga Gjykata e Shkallës së Parë të Tiranës.
“Balkanweb” ka mësuar, se dosjet e ish-ministrit të Brendshëm, Saimir Tahiri apo trafiku i 613 kg kokainë, do të gjykohet nga Gjykata e Posaçme.
Krimet e Rënda do të pushojnë së funksionuari më 19 dhjetor, kur prokurorët e SPAK të betohen përpara presidentit.
SPAK gjithashtu do të ketë tagrin që të hetojë korrupsionin dhe krimin e organizuar në nivele të larta politike.
