Ka shkuar në 766 numri i të prekurve nga COVID-19.
Nga 270 testimet e kryera në 24 orët e fundit janë shënuar 16 raste të reja.
Harta e të prekurve zgjerohet në Tiranë me 9 raste, Krujë me 5 raste, Shkodër dhe Berat me 1 rast.
Numri i të shëruarve ka shkuar në 455, ku në 24 orët e fundit kanë fituar betejën me COVID-19, 24 qytetarë.
Për momentin numrëohen 281 pacientë aktiv, ku 10% e tyre po trajtohen në spitale, ndërsa pjesa tjetër janë asimptomatikë dhe janë nën kujdesin e mjekëve të familjes.
Në spitalin Infektiv janë shtruar 27 pacientë, ku 6 prej tyre ndodhen në terapi intensive.
Ndërsa në spitalin COVID2 janë të shtruar 6 pacientë, 2 prej tyre në terapi intensive në gjendje të rëndë.
