Ka shkuar në 5 numri i viktimave nga koronavirusi në Itali, ndërsa të infektuar numërohen 219.
Viktima e radhës është një 88- vjeçar nga Caselle Landi.
Lajmi për vdekjen e tij është konfirmuar nga shefi i Mbrojtjes Civile, Angelo Borrelli.
Nuk dihet nëse i moshuari vuante nga ndonjë sëmundje tjetër më parë.
Një lajm i mirë vjen për të infektuarit, pasi mjekët italianë kanë arritur të shërojnë njërin prej tyre.
Autoritetet ndërkohë kanë arritur që të gjejnë lidhjen mes të infektuarve në Veneto dhe në Lombardi.
Bëhet fjalë për një bujk, i cili ka frekuentuar lokalin në Vo’ dhe më pas ka shkuar në Lombardi.
Italia aktualisht është vendi i tretë me numrin më të lartë të të prekurve, pas Kinës me mbi 77 mijë dhe Koresë së Jugut me 773 raste.
