Forcat operacionale po vijojnë punën për gjetjen e personave që ndodhen nën rrënoja, pas tërmetit apokaliptik që goditi Durrësin dy ditë më parë.
Zonat më të prekura ishin qyteti bregdetar dhe Thumana.
Deri më tani numri i viktimave ka shkuar në 40.
Mësohet se në Thumanë janë nxjerrë të gjithë trupat nga rrënojat, ndërsa në Durrës vijojnë ende kërkimet.
Trupi i fundit i pajetë u nxorr nga rrënojat në Durrës tek lagjia Nr.18, ku u shemb një pallat 6 katësh dhe i përket shtetases Roza Meçja.
Qeveria shpalli ditën e djeshme gjendjen e emergjencës, si dhe u vendos që 27 nëntori të jetë ditë zie.
