Engjëll Cani, babai i Martin Canit, 14-vjeçarit që humbi jetën pas një goditje me thikë nga Mario Perlleshaj, ka dëshmuar për herë të parë në polici.
Cani është pyetur këtë të mërkurë rreth ngjarjes dhe ka deklaruar se nuk ka qenë i informuar nga shkolla apo autoritetet për konfliktin që djali i tij pati katër ditë para ngjarjes me autorin.
Ai gjithashtu ka thënë se pas ngjarjes nuk ka pasur asnjë kontakt apo takim nga familja e autorit të dyshuar.
Bashkëshortja e tij mori vetëm një telefonatë nga shkolla për të informuar mbi ngjarjen, por përpjekjet për të kontaktuar stafin shkollor kanë mbetur pa përgjigje.
Gjatë kësaj seance, Engjëll Cani mori mbrapsht sendet e djalit të tij.
