“Varka është e domosdoshme, si puna e bukës që hajmë ashtu është varka” , kështu shprehet banori i fshatit Obot në Shkodër.
Mesa duket vështirësin dhe pamundësin që kanë krijuar përmbytjet e fuqishme në vend, Kole Cukaj e ka gjetur zgjidhjen me varkën e vjetër që kishte në shtëpi.
Për shkak të përmbytjes së rrugëve, banori nga Oboti ka vënë në dispozicion varkën si një mjet shpëtimi për personat që duan të lëvizin ose furnizohen me ushqim.
“Për me bo furnizime. As bëhet fjalë. Makina e ushtrisë nuk hyn. Janë katër dylym sera. Skena ku me i rrit. Edhe mbledhjet. Nuk lirohet toka më. S’dimë ku lirohet. Prodhimi kur bëhet, dy javë do toka me u tha. Shkon në prill”, thotë ai.
E përdorte për peshkim, por tashmë me këtë varkë siguron dhe ushqimet që i merr në fshatin më të afërt. Shqetësimi i vetëm për të janë vetëm ushqimet e ditës, pasi prodhimin bujqësor e ka.
“Me ngrënë një kafshatë buke. E përdor edhe për peshkim. S’ka peshk. Asnjë peshk nuk e kam zonë. Po kam 8 dylym jonxhë. Faragjerë, që i kam mbjell për bagëti. Dikush ka siguruar. Nuk e ka humb”, tregonai më tej.
Fshati i Obotit është një nga më të dëmtuarit nga përmbytjet në zonën e nën Shkodrës. Në total janë 3765 Hektarë tokë që janë në ujë.
Ndërkohë që uji rritet nga momenti në moment. Situata rëndohet. Janë të mbjella nën ujë, duke dëmtuar çdo gjë. Në fshatin Obot janë rreth 100 shtëpi, banorët e të cilëve kryesisht jetojnë me bujqësi.
