Në Shkodër ka nisur aksioni i prishjes së ndërtimeve për hapësirën e nevojshme në kuadër të projektit të hyrjes së qytetit.
Emiljano Nika, drejtor i IKMT për rajonin e Shkodrës, bëri të ditur se pas shpronësimit, janë identifikuar 10 objekte që do të prishen përgjatë sheshit të ndërtimit të hyrjes.
Sipas tij, është arritur mirëkuptimi me pronarët e këtyre objekteve.
Po ashtu, Nika njoftoi se vijon aksioni për pastrimin e liqenit të Shkodrës, duke theksuar se janë përmbyllur të gjitha procedurat e shpronësimit dhe ka nisur puna për prishjen e objekteve të shpronësuara.
Ai theksoi se aksioni po zhvillohet paralelisht në dy fronte: pastrimi i liqenit dhe i lumit Buna.
