Pak kohë më parë u publikua lajmi se ish-kandidatja e PS-së për Gjirokastrën, Kjara Adhami është emëruar Drejtore e Drejtorisë së Asistencës Financiare të Bashkimit Europian në Agjencinë Shtetërore të Programimit Strategjik dhe Koordinimit të Ndihmës (SASPAC).
27-vjeçarja u bë drejtore e rëndësishme në SASPAC, pas zgjedhjeve, duke na lënë të dyshojmë se ky post iu ofrua pa asnjë lloj merite apo eksperience të mëparshme, por vetëm se është pjesë e partisë në pushtet. Madje të dhënat e fundit tregojnë se për të zëvendësuar sa më parë Ilir Beqajn, konkursi për këtë post të lartë është organizuar me shpejtësi dhe në mënyrë të errët, duke treguar shenja të një plani paraprak.
Më tepër, fituesja e paracaktuar Kjara Adhami nuk ka përmbushur kriteret e vendosura më parë, duke mos arritur 15 vitet e nevojshme përvojë pune, siç ishte sanksionuar më herët për pozitën e ngjashme.
Mirëpo, qeveria ka ndryshuar VKM-në (Vendim Këshilli i Ministrave), duke ulur standardin e përvojës nga 15 vite në 7 vite, duke përdorur këtë rast për të përshtatur kualifikimin e personit të paracaktuar.
Kujtojmë se Kjara jep miratimin për përfitimin e fondeve të BE të OJF-së Instituti për Ruajtjen e Natyrës në Shqipëri (INCA)”, ku përgjegjëse është mamaja e saj, Emirjeta Adhami.
Kujtojmë se Emirjeta Adhami, ka kundërshtuar fort qeverinë Rama për ndërtimin e Aeroportit të Vlorës, e cila më pas ka dërguar Bashkimit Europian që të mos ndërtohet Aeroporti i Vlorës.
Mirëpo duket qartë se Adhami nuk është një zë i fortë opozitar, pasi por në të njëjtën kohe është përfituese e projekteve të financuara nga Bashkimi Europian, nëpërmjet miratimit të vajzës së saj ish-kandidates per deputete Kjara Adhami.
Të herëpashershme kanë qenë dhe shqetësimet e Delegacionit të BE në Tiranë, të cilat lidhen me menaxhimin e SASPAC për fondet IPA dhe programet europiane, shtojnë presionin për transparencë dhe përshtatshmëri ndërkombëtare.
Lidhur me këto shkelje të vazhdueshme, redaksia e ‘Gazeta Reforma’ i është drejtuar Institutit për Ruajtjen e Natyrës në Shqipëri (INCA) dhe përgjegjëses së projketeve në INCA, Emerjeta Adhamit, duke i kërkuar transparencë për fondet që kanë marrë dhe nëse do ketë ndikim pozicioni i vajzës së saj, Kjara Adhamit në linjën që do mbjaë INCA dhe Emerjeta si për çështjen e aeroportin e Vlorës, por edhe për çështje të tjera të rëndësishme.
Mirëpo, edhe pse ka kaluar çdo afat për përgjigjen, Emerjeta Adhami dhe INCA nuk kanë marrë mundimin që të kthejnë një përgjigje për këtë rast.
