Ermal Mamqi ka qenë në qendër të vëmendjes ditët e fundit pasi theu rregullat e vendosura nga qeveria për ndalimin e grumbullimeve me më shumëse 10 persona në ambiente të mbyllura. Tashmë edhe trajner suksesi, Mamaqi mblodhi dhjetra njerëy në një sallë të mbyllur për t’i mësuar se si të bëhen të pasur. Ditën e sotme ai ka reaguar duke thënë se nuk mund të ndante me njerëzit mësime që vetë atij i kishin ndryshuar jetën. Ai gjithashtu tha se mban përgjegjësi të plotë për rastin në fjalë dhe shtoi se “dëndësia e njerëzve në sallë nuk ishte më e madhe se ajo që është në autobus, Korçë ose kur kanë oferta qëndrat tregtare.”
Në fakt, shkelja e rregullave në transportin public ka qenë lehtëisht e evidentueshme dhe për këtë nuk është ndërmarrë asnjë masë nga autoritetet përkatëse. Madje edhe në qendrat tregtare janë shkelur rregullat dhe një rast ishte pikërisht në qendrën tregtare të Samir Manes, mikut të Ermalit. Pavarësisht këtyre, justifikimet e tij nuk e ndryshojnë faktin që ai shkeli rregullat.
Postimi i plotë:
Miq të dashur, ju kërkoj ndjesë për shqetësimin që ju është krijuar nga fotoja e aktivitetit.
Më lejoni tju sqaroj që Trajnimi Mendo Ndrysho pritej të bëhej nga një grup i vogël njerëzish, kryesisht stafi ynë, duke respektuar masat e Covidit.
Por ndodhi që në trajnim erdhën më shumë nga çfarë ishte planifikuar dhe e kishim të vështirë të mos ti pranonim brënda…
Sidoqoftë edhe pse u munduam të kishim një distancë si ajo që është në kinematë që vazhdojnë aktivitetin, marr përgjegjësi të plotë për rastin që nuk duhet të ndodhte.
E di që situata që po kalon i gjithë planeti është shumë sfiduese.
Por pikërisht kjo situatë më ka shtyrë të bëj këtë që po bëj tani. Të ndaj me ju mësime që i kam mësuar nga më të mirët dhe i kam aplikuar në jetën time.
Ajo që ndodh në këto trajnime është e mrekullueshme, njerzit janë më të motivuar për jetën, punën dhe të ardhmen. A nuk është kjo ajo që duam?
Më falni Miq që nuk jam modest, por nuk mund ta mbaj vetëm për vete diçka që e di me siguri se tranformon jetën tuaj dhe e bën atë më të bukur dhe me vlerë.
Ju falenderoj për mirëkuptimin dhe ju sqaroj përsëri që dëndësia e njerëzve në sallë nuk ishte më e madhe se ajo që është në autobus, Korçë ose kur kanë oferta qëndrat tregtare.
Ju uroj të gjithëve që të jeni mirë bashkë me familjet tuaja!
Deri në rikthimin e normalitetit trajnimet do të jenë të gjitha online.
